豪庭海鮮酒家 (Closed)

自德馨苑結業，一眾街坊餓了個多月茶，當然包括我。故在新酒樓開張不到 3 日，已光顧過早市和午市。總括來說是，點心不夠師傅，有些更是用微波爐翻叮。因為星期來吃午飯時，要了一籠蛋黃蓮蓉包，包身超迷你，包皮是韌的，包心又唔熱；其他如︰炒米粉 (超多味精)、鳯爪(用芋頭同蒸？)、鯪魚球 (放咗一陣，便由乒乓波變咗波子？)、叉燒腸 (粉皮不夠滑、餡料又少)、鹹魚肉餅飯 (啲飯又係唔熱的，好像放咗好耐咁)等，基本上點心可以用粗製來形容。至於廚房粉麵，星期日叫了揚洲窩麵，麵是幼身那種，鹼水味不是太重，配料都好足，要算是最滿意和像樣；但上海粗炒烏冬 (連名字都很搞笑)便偏鹹，而且好油。屋邨酒樓如此水準，真係苦了街坊。