Video
Read full review
2011-06-28
28 views
早排，自從我睇報紙得知 McCafe 以咖啡調配師調配咖啡之後，決定搵日嚟幫襯！最近，見到廣告有賣相不錯嘅新出品：薄荷朱古力咖啡，十分期待！ 趁星期一，走嚟買杯試吓！熱薄荷朱古力咖啡 (小) $24.5價錢嚟講尚算合理，我站在一旁等候，大約 3 分鐘後，店員遞上呢杯氣味香濃嘅咖啡，令我即時提神！ 將奶打氣變成泡沫，倒上咖啡面，泡沫加上朱古力漿的花花圖案作點綴之餘，亦帶點甜味。揸住咖啡杯飲，確是享受！ 紙杯不但俾唔到呢種感覺之餘，咖啡面正是精華所在，泡沫會黏住杯蓋，白白浪費咖啡調配師一番心血！此外，店內提供白糖、黃糖、給不同需要嘅顧客！一條紙包黃糖=1茶匙；攪拌之後，朱古力漿仍留在杯面！可見泡沫打得相當挺身！飲一啖，味道香濃，略帶薄荷及朱古力香味，質感細滑！令我喜出望外！洋蔥雞肉碎蛋意式包 (半份) + $8意式包烤過，脆身好香口！ 仍是熱辣辣！ 餡料為洋蔥絲、雞肉、碎蛋。熟洋蔥絲散發洋蔥香味，雞肉醃過，肉質嫩滑！ 配合碎蛋唔會感覺口寡寡！ 半份真係唔夠喉！如果，一份成十幾$，加埋咖啡，咪要起碼 $40，我覺得唔多抵！對於並非咖啡發燒友嘅我，要一讚咖啡甚有質素！朝早嘆杯咖啡，為我展開
早排，自從我睇報紙得知 McCafe 以咖啡調配師調配咖啡之後，決定搵日嚟幫襯！
最近，見到廣告有賣相不錯嘅新出品：薄荷朱古力咖啡，十分期待！ 趁星期一，走嚟買杯試吓！
熱薄荷朱古力咖啡 (小) $24.5
價錢嚟講尚算合理，我站在一旁等候，大約 3 分鐘後，店員遞上呢杯氣味香濃嘅咖啡，令我即時提神！ 將奶打氣變成泡沫，倒上咖啡面，泡沫加上朱古力漿的花花圖案作點綴之餘，亦帶點甜味。揸住咖啡杯飲，確是享受！ 紙杯不但俾唔到呢種感覺之餘，咖啡面正是精華所在，泡沫會黏住杯蓋，白白浪費咖啡調配師一番心血！此外，店內提供白糖、黃糖、給不同需要嘅顧客！一條紙包黃糖=1茶匙；攪拌之後，朱古力漿仍留在杯面！可見泡沫打得相當挺身！飲一啖，味道香濃，略帶薄荷及朱古力香味，質感細滑！令我喜出望外！
洋蔥雞肉碎蛋意式包 (半份) + $8意式包烤過，脆身好香口！ 仍是熱辣辣！ 餡料為洋蔥絲、雞肉、碎蛋。熟洋蔥絲散發洋蔥香味，雞肉醃過，肉質嫩滑！ 配合碎蛋唔會感覺口寡寡！ 半份真係唔夠喉！如果，一份成十幾$，加埋咖啡，咪要起碼 $40，我覺得唔多抵！
對於並非咖啡發燒友嘅我，要一讚咖啡甚有質素！朝早嘆杯咖啡，為我展開既疲倦又忙碌嘅星期一！Post
