首先講吓味道，不論冬陰公湯、濕炒河、肉碎飯等主食都好足料味濃，而且辣度適宜，事隔幾日回想都一堆口水分泌出嚟。一般餐廳用料唔好，辣味雖然刺激但嗆喉，而且食完腸胃都會唔舒服。泰妹記除咗辣椒，薑用料都好，食落夠辣唔嗆喉，而且暖胃，希望水準可以繼續保持。
寫到呢度已經懶，總括嚟講，食物整體成色吸引，冬陰功湯橙色湯底加紅油令人食指大動；肉碎飯紅青辣椒肉碎比例好，而且份量多，唔會食食吓變咗食白飯。
最後不得不讚，服務態度非常好又熱情。
非常推薦。
補充一句，上次食嘅時候叫咗肉碎飯再揀咗個肉碎茄子，然後就後悔，怕主食同個菜味道會好似，點知上菜一試，非常驚喜，同樣係肉碎但各有特色！
