霸嗎拉麵 (Closed)

無論去到邊，一見到霸嗎拉麵就忍吾住入去食返碗，今天也不例外，同老公去銅鑼灣祟光shopping完，經過駱克駅就見到霸嗎，立即要老公去排隊入座。炙燒豚肉味玉拉麵，我最喜歡尼款，真係食極都甘好味，濃濃的豚骨濃湯底好鮮甜，拉麵我選了軟麵口感，幼滑彈牙，掛上濃湯十分美味，流心蛋滑溜，豚肉經過炙燒特别香口，肥瘦適中，林滑入味，味筍爽口，好好味！特盛炙燒豚肉拉麵，老公比較喜歡食肉，特盛這款有多塊豚肉好岩佢，厚切的豚肉又香又林滑，大大碗好抵食。羽根燒餃子，餃子底部煎得好香脆，皮薄餡飽滿，餡料多菜少肉，食得好健康。