米線樂•麻辣豬骨濃湯 (Closed)

令小公主一試愛上既米線樂的招牌涼拌涼皮😝今日痛小公主出嚟長沙灣行街買玩具🪀經過見到呢間餐廳環境舒服企理✨✨所以就行入嚟試吓啦😍睇完餐牌就即刻指住話要試呢個涼拌涼皮😋本身佢哋係配埋蔥，芫荽，炸黃荳，青瓜絲同麻醬！仲有好多款唔同配菜揀添！不過小公主淨係鍾意食青瓜絲同麻醬所以其他嘢我哋都走晒🤣最重要嘅梗係走埋辣啦🤪醬汁涼皮同埋青瓜絲撈勻黎食！涼皮口感清爽滑嘟嘟，配埋爽囗青瓜絲一啖咬落口多重口感😍小公主自己都可以食到大半碗😙我就揀咗佢哋嘅主打招牌豬骨濃湯米線🍜 湯底濃郁入味，底料有腐皮同芽菜！我加配埋清甜爽口嘅蘿蔔同埋流心芝心丸🧀米線份量十足😍仲好爽口彈牙 🌟真食到停唔到口😆仲加埋人氣墨魚頭🔥其實本身係麻辣既！呢間舖頭佢哋真係好細心大部份嘅食物都可以走辣😍就算我唔食得辣都可以食到想食嘅嘢😁最後加埋杯勁濃豆味嘅香滑豆漿💗成餐飯大滿足🥳🥳