Video
Read full review
2018-04-26
46 views
今日帶左好姐妹黎秋田慶生，舊址裝修緊，搬左去諾士佛臺街尾前少少既天文台圍，人流少D更加舒服。店內環境富有日本特式，雖然主打璣燒，但都唔會有好臭既油煙味。而且店員亦會好細心用衫套保護掛喺椅背既外套。店員同我地講只要LIKE & SHARE佢地既Facebook Page就可以參與一手撈蝦遊戲。佢地會拎出一盤蝦比你帶住手套，單手撈到幾多就有幾多。我地成績都算唔錯，撈到9隻，食法可以揀刺身/燒，我地一半一半。刺身做法更加食得出蝦既鮮甜，店員仲好細心一早已經將蝦腸挑走。而燒就比較香口，加左少少海鹽已經好好食。正式揀今晚既食物，今次揀左Sapporo Set。前菜有2款食物，首先有河豚魚干，以係會係好脆個種，點知係淋淋地，而味道甜甜地，加埋蛋黃醬又幾特別幾好食。另一前菜係清酒昆布大蜆煮，大蜆完全無沙，好厚肉，加埋既清酒同昆布大大提鮮，但建議唔好就咁飲個湯，因為酒味都幾濃，會嗆口。到磯燒部分喇! 先黎北寄貝，巨型北寄貝十分鮮甜，加左少少牛油去燒已經好好食。之後有北海道帶子/牛胸肋骨肉揀，由於朋友唔食牛所以只可以揀前者。店員先將帶子脫殼清洗好，之後就用殼先煮熱鰹魚汁同清酒，之後再放帶子入去汁煮，煮熟
店內環境富有日本特式，雖然主打璣燒，但都唔會有好臭既油煙味。而且店員亦會好細心用衫套保護掛喺椅背既外套。
店員同我地講只要LIKE & SHARE佢地既Facebook Page就可以參與一手撈蝦遊戲。佢地會拎出一盤蝦比你帶住手套，單手撈到幾多就有幾多。
我地成績都算唔錯，撈到9隻，食法可以揀刺身/燒，我地一半一半。刺身做法更加食得出蝦既鮮甜，店員仲好細心一早已經將蝦腸挑走。
而燒就比較香口，加左少少海鹽已經好好食。
正式揀今晚既食物，今次揀左Sapporo Set。
前菜有2款食物，首先有河豚魚干，以係會係好脆個種，點知係淋淋地，而味道甜甜地，加埋蛋黃醬又幾特別幾好食。
另一前菜係清酒昆布大蜆煮，大蜆完全無沙，好厚肉，加埋既清酒同昆布大大提鮮，但建議唔好就咁飲個湯，因為酒味都幾濃，會嗆口。
到磯燒部分喇!
先黎北寄貝，巨型北寄貝十分鮮甜，加左少少牛油去燒已經好好食。
之後有北海道帶子/牛胸肋骨肉揀，由於朋友唔食牛所以只可以揀前者。店員先將帶子脫殼清洗好，之後就用殼先煮熱鰹魚汁同清酒，之後再放帶子入去汁煮，煮熟之後都仲係好大粒。
然後就到磯燒必食既蟹味增甲羅燒，除左蟹膏仲有一粒粒飛魚子，配合脆卜卜既米通食口感好好。
之後就到伊勢活龍蝦，同蝦一樣食法可以揀刺身/燒，今次就揀左燒，見住活生生既龍蝦喺燒爐上面仲識郁真係有D殘忍，但證明真係好新鮮! 燒到半熟後店員會將煮熱左既蝦膏搽番上龍蝦，再用火熗燒一燒，超惹味!
食完蝦就到蟹，有半隻松葉蟹，十分鮮甜，而且店員會剪好哂D蟹腳，一打開就可以食。
最後有黑松露醬燒雜菇，
同埋可以揀海鮮粥/茶漬飯，我就揀左海鮮粥，清清地。
最後送上綠茶雪糕做甜品，驚喜地綠茶同奶味比例岩岩好，又唔會太甜，為呢餐寫上完美句號。
總括黎講呢度既海鮮新鮮就唔在講，服務亦十分好，坐定定就有人燒好哂比你，感覺真係好似去左日本咁，朋友亦都好滿意呢餐生日飯。
Post
