江浙滬 (堪富利士道) (Closed)

尖沙咀新開咗間中菜館，而家食有九折所以決定同朋友一齊試試。食物好有江南風味，而且選擇好多，我地揀咗松子桂魚（＄168）、蟹粉小籠包（＄58）、杭州東坡肉（＄72）同埋水晶肴肉（＄56）。水晶肴肉共有8件，一上碟就覺得成碟好精緻，而且晶瑩剔透😍好耐冇食松子桂魚，一上碟佢d酸酸甜甜既香氣撲鼻而來，令人食指大動！食落香脆可口又開胃，送飯一流！向來鍾意食小籠包，之前去上海幾乎日日食😆呢籠蟹粉小籠包皮薄餡靚，而且咬落去好多汁，正！最後係東坡肉，肥而不膩，而且好入味，唔錯唔錯！