Video
Read full review
2018-05-03
31 views
拍拖既節目緊係周圍搵好野食! 今次逛元朗就比我哋發現在呢間新開既車仔麵店。呢度餸既選擇都幾多同埋比較特別，同出面既車仔麵鋪幾唔同，而且價錢合理，$35蚊已經有3餸 + 麵底。白蝦仁墨魚仔豬腸米線 (冬蔭公湯底中辣) 個冬蔭公湯底好濃郁，酸酸辣辣，鍾意食辣既我都覺得夠哂辣! 灑上面既芹菜令到成碗米線更香，配合得好好!三個餸入面，我最鍾意白蝦仁，爽口彈牙，唔駛剝蝦殼實在太好啦。 豬腸滷得入味，有咬口，不過有啲啲肥。 珍珠元貝白蝦仁蘿蔔河粉 (咖哩湯底)個湯帶少少甜味，上面鋪咗爆香咗既洋蔥，河粉幼滑。我地本身想揀金錢肚，但已經賣啦T.T 店家介紹我地揀蘿蔔，蘿蔔一咬就溶喺口，好甜同入味，而且完全冇根，果然冇介紹錯! 珍珠元貝亦係有驚喜，第一次食呢款車仔麵餸，估唔到係咁彈牙! 加咗四隻炸雞翼(辣味) ($26)，雞翼炸得金黃香脆，一啲都唔油膩，點埋個特別調配既辣汁，少少酸少少辣，開胃得黎又令啲雞翼更惹味。 飲品揀咗薄荷青檸梳打(跟餐+$11)同埋凍檸茶(跟餐+$7)，青檸梳打多加咗新鮮薄荷葉，清新醒神。 無論湯底同埋啲餸，都好有驚喜 (我碗冬蔭公個湯底最後飲剩少少咋 😊 因為太好味啦!) 呢
呢度餸既選擇都幾多同埋比較特別，同出面既車仔麵鋪幾唔同，而且價錢合理，$35蚊已經有3餸 + 麵底。
白蝦仁墨魚仔豬腸米線 (冬蔭公湯底中辣)
個冬蔭公湯底好濃郁，酸酸辣辣，鍾意食辣既我都覺得夠哂辣! 灑上面既芹菜令到成碗米線更香，配合得好好!
三個餸入面，我最鍾意白蝦仁，爽口彈牙，唔駛剝蝦殼實在太好啦。
豬腸滷得入味，有咬口，不過有啲啲肥。
珍珠元貝白蝦仁蘿蔔河粉 (咖哩湯底)
個湯帶少少甜味，上面鋪咗爆香咗既洋蔥，河粉幼滑。
我地本身想揀金錢肚，但已經賣啦T.T 店家介紹我地揀蘿蔔，蘿蔔一咬就溶喺口，好甜同入味，而且完全冇根，果然冇介紹錯! 珍珠元貝亦係有驚喜，第一次食呢款車仔麵餸，估唔到係咁彈牙!
加咗四隻炸雞翼(辣味) ($26)，雞翼炸得金黃香脆，一啲都唔油膩，點埋個特別調配既辣汁，少少酸少少辣，開胃得黎又令啲雞翼更惹味。
飲品揀咗薄荷青檸梳打(跟餐+$11)同埋凍檸茶(跟餐+$7)，青檸梳打多加咗新鮮薄荷葉，清新醒神。
無論湯底同埋啲餸，都好有驚喜 (我碗冬蔭公個湯底最後飲剩少少咋 😊 因為太好味啦!) 呢啲用心製作有誠意既車仔麵店值得我地支持!
Post
