咖啡韓食 (Closed)

今日黎到咖啡韓食，食物一般係其次，最令人招架唔住既係佢不停播大陸式disco電音，仲要係以前年代果種。雖然歌係韓文歌，但完全唔係時下偶像Bigbang、Twice等咁簡單，我食完埋單仲聽到隻韓文版＂煞科＂享受美食除左味蕾、視覺等因素之外，聽覺都好重要，聽住令人煩躁既舊式電音都食得唔係幾安樂。食物整體質素比以前下降左，講好唔好食真係一道道菜，有啲幾好食但有啲就唔合格。芝士蟹籽石頭鍋飯 $46成個飯口味比較啖，可能青瓜、粟米等都無調味，泡菜有啲酸，蟹籽熟左之後無左喺口入面卜卜脆既感覺，有等於無。芝士都做到拉絲效果。燒豬肉飯 $44微辣，都係普普通通。跟餐既湯同前菜兩個飯都偏淡，好彩枱面有韓式辣醬同麻油，自行調味。