Video
Read full review
2021-10-21
137 views
屋企人突然想食大閘蟹放題，即刻上網搵，見到呢間餐廳有好多好評所以決定試下，所以屋企人就即刻打電話book位。接電話個小姐態度就唔係咁好，所以去到後面我叫屋企人問係咪好似網頁寫咁，4人會有象拔蚌刺身送，屋企人都唔願意再打電話，我就唯有WHATSAPP去問餐廳。一路都期待呢餐放題，去到兩日前見到OPENRICE有一個負評關於大閘蟹放題，話員工態度唔好，但因為一早book左，而且好評又多，決定都係去試下。到左餐廳後，帶位既職員已經語氣唔太好。每一檯基本上都係食蟹，我地坐低之後都馬上叫蟹黎食。Order紙上面都有寫明每人每次最多只可以點兩隻，屋企人見食到差唔多，又見order紙上面寫每次要預時間，因為即叫即蒸，所以檯上仲有蟹既時候都寫定紙先，始終佢係限時放題，價錢亦唔係平，當然希望食得飽同夠。但佢既蟹十分鐘都唔洗就上左啦，所以當職員見到檯上仲有蟹，就好大聲亦好唔客氣咁話「下次食完先再點啦」。明白職員唔想浪費，之後我地每一單都跟足規矩，檯上無蟹先遞order紙。到食到咁上下時間，職員又逐檯逐檯咁講「食埋D蟹腳啦，唔好浪費阿。你地個個都淨係蟹膏既話，我地點做生意阿」。明白你地唔想浪費食物，所以你淨
一路都期待呢餐放題，去到兩日前見到OPENRICE有一個負評關於大閘蟹放題，話員工態度唔好，但因為一早book左，而且好評又多，決定都係去試下。
到左餐廳後，帶位既職員已經語氣唔太好。每一檯基本上都係食蟹，我地坐低之後都馬上叫蟹黎食。Order紙上面都有寫明每人每次最多只可以點兩隻，屋企人見食到差唔多，又見order紙上面寫每次要預時間，因為即叫即蒸，所以檯上仲有蟹既時候都寫定紙先，始終佢係限時放題，價錢亦唔係平，當然希望食得飽同夠。
但佢既蟹十分鐘都唔洗就上左啦，所以當職員見到檯上仲有蟹，就好大聲亦好唔客氣咁話「下次食完先再點啦」。明白職員唔想浪費，之後我地每一單都跟足規矩，檯上無蟹先遞order紙。到食到咁上下時間，職員又逐檯逐檯咁講「食埋D蟹腳啦，唔好浪費阿。你地個個都淨係蟹膏既話，我地點做生意阿」。
明白你地唔想浪費食物，所以你淨係講前面果句既話，我都表示明白。
但恕我抱歉講，如果你地咁計較做唔做到生意，生意圍唔圍到本，建議你地就唔好做放題生意啦，仲要比說話客人聽。你如果無咁既預算，做咩要做放題？去食放題就係希望唔洗就住就住，食大閘蟹都係為左食蟹膏，其實係咪客人一定要食得少過你預計既份量，先適合去你鋪頭？仲要你個價錢唔係特別平，$547一個人，仲貴過我去酒店食buffet😊 另外本來話4人會送果個象拔蚌刺身，都係我地追問之後，係我地截單前小小時間先拎上檯比我地。
開左呢個account咁耐，一直都無諗住寫食評，估唔到第一個食評就係為左寫負評而寫，建議大家如果唔想食到背脊骨落，就考慮清楚要唔要去呢度食放題啦😊
Post
