Video
Read full review
2012-10-19
74 views
早前過黎大角咀時見到富多來呢邊有間天使甜品屋，除左甜品之外仲有意粉，pizza 食，見D 野幾啱食於是加入心水，今日喺妳嘅提起下，就特登過左黎試喇時間尚早，六點未夠，門外餐牌有午餐又有晚餐，無下午茶？上前查問一下，店員好似有 D 為難，問我地想食D 咩我解釋因為餐牌無寫時限，所以唔清楚而家係午定晚佢先至恍然大悟咁答道，已經有晚餐同甜品供應喇 ^^"呢度店內環境濶落舒適 , 有一D 小掛畫同層架, 無太多裝飾, 有兩三張長枱 , 似乎為方便晚市大班朋友到來食甜品, 二人四人時可以從長枱拆返開黎 , 視覺上空間感十足我地呢餐係下午茶加晚餐, 見唔係好肚餓, 又想試下 D 甜品所以叫左一個 SET DINNER SHARE 再另外叫左兩個甜品TOTAL $ 122 , 唔使加一 , 都食到八成半飽嫁, 幾抵食 ~1. 意式大蝦意粉~ 套餐 $ 50 跟什菜湯, 忌廉湯或咖啡 , 茶 , 我地叫左什菜湯跟一個小小法包 , 個湯睇落好稀好淡咁 , 無乜湯料 , 只有兩粒唔夠粉又唔夠淋o既薯仔, 不過味道都唔錯喎 , 估唔到都幾重蕃茄味, 入口清清地 , 有中湯 feel , 好夠熱 !!小法包好
除左甜品之外仲有意粉，pizza 食，見D 野幾啱食
於是加入心水，今日喺妳嘅提起下，就特登過左黎試喇
時間尚早，六點未夠，門外餐牌有午餐又有晚餐，無下午茶？上前查問一下，店員好似有 D 為難，問我地想食D 咩
我解釋因為餐牌無寫時限，所以唔清楚而家係午定晚
佢先至恍然大悟咁答道，已經有晚餐同甜品供應喇 ^^"
呢度店內環境濶落舒適 , 有一D 小掛畫同層架, 無太多裝飾, 有兩三張長枱 , 似乎為方便晚市大班朋友到來食甜品,
二人四人時可以從長枱拆返開黎 , 視覺上空間感十足
我地呢餐係下午茶加晚餐, 見唔係好肚餓, 又想試下 D 甜品
所以叫左一個 SET DINNER SHARE 再另外叫左兩個甜品
TOTAL $ 122 , 唔使加一 , 都食到八成半飽嫁, 幾抵食 ~
1. 意式大蝦意粉~ 套餐 $ 50 跟什菜湯, 忌廉湯或咖啡 , 茶 , 我地叫左什菜湯
跟一個小小法包 , 個湯睇落好稀好淡咁 , 無乜湯料 ,
只有兩粒唔夠粉又唔夠淋o既薯仔, 不過味道都唔錯喎 ,
估唔到都幾重蕃茄味, 入口清清地 , 有中湯 feel , 好夠熱 !!
小法包好乾好乾, 硬到我用盡牙力咬到"粒"晒都仲係扯唔開請店方改用焗爐烘或者暖爐 , 去避免呢個微波爐翻叮惹的禍
意粉係意想不到咁好食 , 香濃蕃茄醬 , 撒上香草 , 芝士碎 , 味道帶酸 , 好味開胃 , 唯一不足係無乜新鮮蕃茄肉 ,
意粉份量多 , 夾起一人有一大碟 , 口感唔錯, 軟硬適中 ,
成碟意粉夠晒醬汁夠晒味 , o係底度有 d 香葉同蒜頭 ,
蒜頭大大粒好生食唔到 , 如果切片炒熟少少可以食埋添
大蝦有四隻 , 好爽口好入味 , 肉質偏實淨 , 充滿蝦膏o既甘香
用料絕不馬虎 , 水準頗佳 , $ 50 就算淨係得個意粉都超值 2. 蘋果金寶
~ 加 $ 8 可配雪糕一球 , 係 Dreyer's , 有三四隻味道揀 , 蘋果金寶熱烘烘上枱 , 賣相不俗 , 灑上糖粉 , 置上鮮果
金寶面層焗得唔夠脆 , 好似食緊面粉團咁 , 似乎失左手 ,
中間同樣係唔夠乾身 , 質感有如雪硬左少少o既花生醬
好在味道帶酸而不過甜 , 否則必定食唔到半個就漏死喇
金寶中有不少蘋果粒 , 提子乾同果仁 , 口感味道都好豐富
如果唔係因為焗得唔夠耐o既話 , 相信會好好食 !!3. 芒果窩夫
~ 本想加朱古力雪糕 , 可惜賣晒要轉做士多啤梨味 , 味道卻出奇地配襯 , 新鮮鮮芒果粒足夠鋪滿整片窩夫
可見芒果份量不少 , 弦外之音係塊窩夫略為細件 ,
好似塊方包咁 , 而且都幾薄 , 成晚最唔抵食係佢 ,
同樣因為味道係有水準o既 , 先至會覺得唔夠喉o既 ,
窩夫幾香口, 邊邊位有少少脆 , 鬆軟有彈性 ,
欣賞佢無畫蛇添足咁加入芒果醬或練奶等有壞新鮮程度o既調味 只係o係旁邊加左 d 忌廉同鮮果 , 可自行選擇加於窩夫上與否
## 結論為 ... 甜品可以一試 , 意粉值得推介 ,
呢間小店處身富多來商場最多食店一列o既末端 ,
再比一條小馬路隔開後o既一個轉角位置 ,
簡單黎講係毫不起眼因此少人光顧少人留意 ?
其實從另一邊馬路望過去 , o係新九龍廣場後門 ,
巴士站對面則可看到天使甜品屋o既兩塊白板餐牌 ,
配備有數盞小射燈吸引路人 , 相信咁樣會比較易搵
Post
