Video
Read full review
2017-06-26
126 views
朋友出完trip,應承同佢去食法國大餐！哩間想試好耐，今次係一個好機會！有8個或10個courses 揀，我地去盡d揀左10個！先黎一系列前菜！第一道係巴馬火腿配蜜瓜雪葩，火腿咸香但無異味，咸度岩岩好，愈咬愈出味，其他餐廳會整舊蜜瓜上，哩間就將蜜瓜打成溶再雪凍，清清味蕾好清新！另上左幾塊麵包，店主話係全自製，分別有白法包同埋提子包，配上蒜蓉牛油醬，我覺得配法包好好食，但配提子包又咸又甜有d怪！第三道係生蠔，一共有4隻，兩隻海水味淡，兩隻較濃，都係黎自法國，但4隻都肥美鮮味既，肉質脆口。第四道係北海道帶子，配椰菜花奶泡，底下有黎物麥墊底，感覺健康，上面有三文魚籽，充滿鮮味，帶有脆卜卜口感，最後有酸青瓜清味蕾！帶子好大隻，唔會淡而無味，彈牙！第五道前菜有65度慢煮雞肉卷配海蘆筍，上面有海鹽啫喱份子料理，加入牛肝菌湯，啫喱口感有趣，全道菜清清地，雞肉嫩滑。食到哩度其實已經飽飽地，但我地係唔會放棄！之後黎既係鵝肝凍，配血橙汁，上面有開心果碎，同埋有黑醋份子料理同埋火箭菜，每道菜其實都好有巧思，用好多心機設計，試好多新野，哩度菜既鵝肝凍略有點咸，如果配麵包應該會好美味！接住落黎係龍蝦湯，湯唔洗講
有8個或10個courses 揀，我地去盡d揀左10個！
先黎一系列前菜！第一道係巴馬火腿配蜜瓜雪葩，火腿咸香但無異味，咸度岩岩好，愈咬愈出味，其他餐廳會整舊蜜瓜上，哩間就將蜜瓜打成溶再雪凍，清清味蕾好清新！
另上左幾塊麵包，店主話係全自製，分別有白法包同埋提子包，配上蒜蓉牛油醬，我覺得配法包好好食，但配提子包又咸又甜有d怪！
第三道係生蠔，一共有4隻，兩隻海水味淡，兩隻較濃，都係黎自法國，但4隻都肥美鮮味既，肉質脆口。
第四道係北海道帶子，配椰菜花奶泡，底下有黎物麥墊底，感覺健康，上面有三文魚籽，充滿鮮味，帶有脆卜卜口感，最後有酸青瓜清味蕾！帶子好大隻，唔會淡而無味，彈牙！
第五道前菜有65度慢煮雞肉卷配海蘆筍，上面有海鹽啫喱份子料理，加入牛肝菌湯，啫喱口感有趣，全道菜清清地，雞肉嫩滑。
食到哩度其實已經飽飽地，但我地係唔會放棄！之後黎既係鵝肝凍，配血橙汁，上面有開心果碎，同埋有黑醋份子料理同埋火箭菜，每道菜其實都好有巧思，用好多心機設計，試好多新野，哩度菜既鵝肝凍略有點咸，如果配麵包應該會好美味！
接住落黎係龍蝦湯，湯唔洗講，睇顏色都知勁濃，碟邊有龍蝦籽，想更濃可以混入湯入面！
然後黎左一個我全晚最欣賞既黑松露薯蓉加煎鵝肝，本新超中意食鵝肝，佢煎得好香口，底下墊住薯蓉，好有驚喜，有淡淡黑松露香味，上面有炸牛蒡，食到少少牛蒡味，本新唔食牛蒡既我都清哂碟
然後黎左個阿拉斯加蟹配溫泉蛋，牛油果醬同埋柚子汁，蟹味唔算濃，溫泉蛋個texture好好，唔係液體但係好軟滑！
最後，前菜終於告一段落，用番石榴雪葩黎清味蕾，迎接主菜既來臨！
我地揀左牛臉肉，台主話哩個係招牌菜，佢地用紅酒炆左2日，充滿骨膠原，食落超級淋滑，膠質重會漿口，好好食，好入味，不過share會較好，有d heavy!下面墊住既係玉米蓉，甜甜地清清地中和番牛肉既濃味
第二個主菜叫做我至愛既黑松露意大利飯，哩個味道係好食，但無牛臉肉咁令人surprise。
最後甜品都有兩款，分別係朱古力蛋糕配蜜蜂啫喱，同埋朱古力拼盤！朱古力蛋糕係類似brownie質感，非常濃既可可味，但更驚艷既係朱古力拼盤，外形超靚！雖然朱古力並唔係高價貨，但擺碟好有心思，影左好耐相先捨得食
仲有餐茶跟埋，店員好有心思介紹唔同既花茶或者咖啡，我揀左latte,味道好濃，我怕訓唔著，無飲哂！
總結而言，最後2360賣單，我地加左果汁同埋蠔所以貴左，每碟菜都睇得出餐廳好有heart,諗好多新元素加入菜式入面，自己整一定整唔到，成本都唔會平，好支持哩d有心機既小店，一定會再搵機會幫襯！
Post
