Video
Read full review
2013-10-04
1985 views
由於忽然想食串燒，市區如油麻地、旺角的串燒又食得太多次，想有點新鮮感，於是就來了龍蝦燒。(我承認我是貪小便宜，幾十蚊隻龍蝦仔真是好吸引，不過光棍佬教落，便宜莫貪，食完結果一肚氣)既然寫食評，先寫食物味道：1. 食物唔夠熱，只係微暖叫了六七串食物，來得好快，比我去任何一家串燒店都快，不過全部都唔係熱辣辣的，而係微暖，唔使一分鐘就凍晒。凍既串燒真係好難食，又乾又冇肉汁，完全唔知想點。2. 所謂和牛，全無肉汁超鍾意食牛，於是點了最新推介的和牛，冇記錯好似$35一串，有三大粒牛肉(可能有4粒，唔記得清)，每粒兩粒骰仔大。如前所述，不熱的，一咬落去，噢，硬的，咬不開，仲衰過我去凍肉鋪買的美國牛粒。當然，由於凍晒，一點肉汁都冇，又唔好話有任何牛肉甘香。3. 龍蝦仔，真係OK的叫了幾串野，除了風鱔同埋鮮雞泡幾好食外，其他都完全不合格。$88一隻龍蝦仔真係有龍蝦味，又幾彈牙，唯一要挑剔的就是燒得乾身了少少，不過算了，$88一隻有人整埋你食唔可以要度太多。4. 炒飯唔好食阿姐極力推薦鐵板炒飯好食，雖然明知不是專門的鐵板燒店冇可能炒出好的炒飯，糾纏一輪(原因看下文)之後點了煙肉炒飯，五十幾蚊係一碗份量，味
既然寫食評，先寫食物味道：
1. 食物唔夠熱，只係微暖
叫了六七串食物，來得好快，比我去任何一家串燒店都快，不過全部都唔係熱辣辣的，而係微暖，唔使一分鐘就凍晒。凍既串燒真係好難食，又乾又冇肉汁，完全唔知想點。
2. 所謂和牛，全無肉汁
超鍾意食牛，於是點了最新推介的和牛，冇記錯好似$35一串，有三大粒牛肉(可能有4粒，唔記得清)，每粒兩粒骰仔大。如前所述，不熱的，一咬落去，噢，硬的，咬不開，仲衰過我去凍肉鋪買的美國牛粒。當然，由於凍晒，一點肉汁都冇，又唔好話有任何牛肉甘香。
3. 龍蝦仔，真係OK的
叫了幾串野，除了風鱔同埋鮮雞泡幾好食外，其他都完全不合格。$88一隻龍蝦仔真係有龍蝦味，又幾彈牙，唯一要挑剔的就是燒得乾身了少少，不過算了，$88一隻有人整埋你食唔可以要度太多。
4. 炒飯唔好食
阿姐極力推薦鐵板炒飯好食，雖然明知不是專門的鐵板燒店冇可能炒出好的炒飯，糾纏一輪(原因看下文)之後點了煙肉炒飯，五十幾蚊係一碗份量，味道就係一般炒飯味，敗筆係加了勁cheap的急凍雜菜，令整件事更加對不起這價錢。
環境：
1. 不衛生
賣點之一的各式調味粉竟然有一個係冇蓋的，好唔衛生。同埋有幾樽已潮晒結晒，睇見都唔開胃。
服務：
差差差！唔係話佢地晦氣，佢地好熱情，不過熱情得來冇用心諗，反而令人好煩！
入去前咁啱有個重要電話，於是想聽完先入去。同行的朋友和我一同在路邊等我傾完才入去，朋友亦示意待我傾完之後就入座。可是超級不醒水的阿姐竟走過來我處大聲說：「咁我等你傾完先俾檯你呀！」大佬！我個電話真係好重要架！我知道你的好意，唔需要過來阻我講電話的。
逼你答問題
入座了，阿姐好殷勤的問我們是不是第一次來，介紹了很多食物，其中又說：「我地的鮑魚是必點的，知唔知點解呀﹖」(心諗，我點知點解﹖我淨係知我好餓想快啲點菜咋！)一般情況下，這類問題都是由侍應自問自答，誰知這位阿姐原來是想我們答她。沒有心理準備食野都要參加問題環節的我們dead air了十多秒，才由阿姐自答：「因為新鮮囉！」(啊~~~~~~)
麥兜式要乜冇乜，但又推介俾你
之後阿姐又說他們的鐵板炒飯是必點，雖然我們都明白小小串燒店炒不出什麼好的鐵板炒飯，還是不忍掃她興(因為她推介的生蠔我們都冇興趣)，點了一個鰻魚炒飯，可是結果竟是鰻魚冇貨！(咁你又叫我點！)好吧！轉一個和牛炒飯，都是冇貨！(可是又有和牛串燒....)，餘下都沒有什麼選擇，只有什麼海鮮炒飯和一百多元的龍蝦炒飯，我小人之心，阿姐原來都是想我們叫最貴的龍蝦炒飯吧﹖可是我已叫了一隻龍蝦，有必要再炒一個龍蝦飯嗎﹖.......說真的，心情至此已不大好。
不停伸手搞你的串燒
這是整頓飯最不高興的，就是我們只點共六七串串燒，可是不停的有人伸手(還是一隻毛茸茸的大手)來把我們的串燒combine在一起。我不知是因為他們碟子短缺還是覺得這是殷勤服務，總之我覺得很噁！大佬我食到一半的串燒有個莫名其妙的人伸手來搞，之前問都不問一句，我轉頭再食好似食緊呢位大哥的手汗咁！講真呢間野以咁的環境格局來說真係唔平，我真係唔expect有人會過來不停擺弄我的食物，即使去酒樓，有人不停將你的野食大碟換細碟你都唔高興啦係咪﹖反而有需要的service如將龍蝦開邊就冇做，係我見到有其他檯開邊，我叫佢過來先開，差！
Post