德國熱狗 (Closed)

上完堂之後就自己黎左呢間熱狗店食，佢地都幾多外賣order，星期六中午做唔停咁，所以落單都等左陣，不過係值得既。我叫左亞美利堅熱狗，加12蚊變餐，有得簡薯條/薯餅配罐裝野飲，咁我就簡左薯條。薯條係即叫即炸，係我食過最好味既薯條，不停咁食之後就講下個熱狗，正所謂一分錢一分貨，$60，自然入面好多料，腸已經有兩款係入面，入面仲要有煙肉，你話凈係咁已經幾邪惡，入面仲有芝士，面頭仲有肉醬再有茄醬加芥末醬，相當相當豐富，食落會好滿足，我女仔黎講食一半已經feel到飽。絕對值得有下次。