Corner Garden Crepes & Drinks

Open Now

Now Closed

去到長洲，就當然係去搵嘢食。穿梭大街小巷之際，比一陣咖啡味吸引住。跟住啲香味行到去門口，發現裝修勁用心，有好多打卡位。再望吓門口對面嘅壁畫，完全係好適合打卡。再望吓門外的小窗，充滿食客的笑臉，令我更有衝動入去試吓。入到去老闆好親切逐一介紹他們的咖啡，跟住我梗係叫返我最鍾意嘅榛子咖啡。最令我估唔到嘅係老闆竟然問我想拉咩花，我心諗花都有得揀？於是我就膽粗粗咁同佢講我鍾意玫瑰花，點知老闆竟然話：冇問題我一定會整一朵好靚嘅俾你。嘩， 太驚喜了吧等待嘅過程中，看見每一杯咖啡上面的拉花都是不同樣的，更加期待製成品。老闆喺我面前表演他的拉花，在他專注的眼神下，加上熟練的技巧，一杯有玫瑰花拉花的榛子咖啡咁就完成。咖啡又香又滑，味道好好。想不到在小巷中的小店會有一杯令人會再次品嘗的咖啡。