Flaneur (Closed)

今晚心情唔係咁好，女朋友帶左我黎一間新開既餐廳食好西，化悲憤為食量。 餐廳為半開放既設計 入面既裝修都好有風格，適合情女談情 餐單分為食物及飲料，飲料的選擇夠哂多，特別係飲品。 先來的是小食<<脆蟹肉薯丸>>，一碟六粒，薯丸炸到金黃色，材料是薯仔和蟹肉，入口外脆內。 <<紐西蘭礸石蜆>>，我點左半份的8隻，值得一讚的是蜆內沒有沙，而且因為加左香茅，所以很香香茅味。 <<烤海鮮拼盤>>呢個係最特別，因為出面多數以海鮮刺身拼盤為主。有開邊海蝦、扇貝、生蠔、軟殼蟹及烤烤魚等。扇貝、生蠔係最正，因為加埋D蒜蓉黎烤，所以好入味。 飲品點了杯<<菠蘿汁>>，真係好重菠蘿，又夠冰凍及唔會太甜。 甜品點了<<炸雪糕串燒>>，一串三塊，配上紅豆蓉及綠茶餅。炸雪糕入口外脆內凍，不過有也有點油膩感。