星加坡餐廳 (Closed)

我從未係呢度留低食評。不過今次去完呢間星加坡餐廳﹐發覺老字號淪為毫無誠意做好食物既茶餐廳﹐實在不吐不快。我地坐近放餐湯o既窗邊卡位。正當我地好期待等緊叫左o既食物時候﹐就畀佢o個d洗得唔乾淨o既餐具嚇窒。然後蝦球炒麵黎到﹐見佢用鐵板上﹐雖然油多左d ﹐但係賣相都ok。點知食落淡而無味﹐蝦球一d蝦味都冇。雞肉串燒除左大舊左d之外﹐味道尚算正常﹐可能係沙爹醬味道搭夠。至於雞喇沙味道一般﹐個人覺得citysuper好味過佢。飲o野o既時候見到有位年輕待應從一個大煲加左d忌廉湯落另一個器皿度﹐然後將個到剩一半湯o既煲放o係地上﹐再是但揾個唔知乾唔乾淨o既托盤蓋住就算。阿叔待應肚餓到要整停正在叮緊餐包o既微波爐﹐然後一手插落去拎個餐包充飢。至於水吧就倒瀉飲品落地冇人理。食完先知喇沙個湯底味精厲害﹐之後飲左四杯水先至好d。