先上呢個香港人必撈既勻醬!不過個人覺得...個湯已經好夠正, 唔沾醬汁食都OK!
除咗單點之外，而家酒鍋仲推出咗2人餐 每位$388 (2人起)，啱晒小胃子嘅我哋😆😆😆每款2粒2粒，可以食多幾款🧡真係幾好👍🏻
2人餐-花膠雞美人鍋
黑毛和牛6片(可加$98轉安格斯小掛架)
黑松露餃 2粒
魚皮餃 2粒
墨魚丸2粒
芝士蝦丸2粒
2人海鮮拼盤 (扇貝，聖子，海蝦及是日海鮮)
*可用優惠價$268 另加細澳龍蝦或波士頓龍蝦
什菜藍
招牌凍豆腐
其實野食款式寶係有夠多！
「胡椒豬肚花膠雞美人鍋」係推介大家一定一定要黎試‼️
湯底滾左就一定要飲啖靚湯先🧡湯頭濃郁🤤🤤🤤提升味道層次仲加左黑白胡椒
胡椒味香但唔會搶左原有花膠豬肚湯既味，真係一個字「正‼️」🤭唔覺唔覺飲左好多碗
湯滾起左就再加花膠同雞啦，唔好當雞件係湯底料，雞肉肉質好滑溜，Yummy🤭
黑松露餃同芝士蝦丸都係佢地自己整嫁！黑松露餃好香呀🤤仲估唔到咬落去咁彈牙嘅係蝦肉！蝦仁咁款真係唔係講笑⚠️👍🏻推推推
芝士蝦丸同出面食到既芝心丸係兩碼子，佢地個芝士係流心嫁，所以食果時要小心🤭🤭🤭
叫呢個2人餐重點介紹一定係海鮮拼盤，老公話難得我生日+左$268 龍蝦，成個擺盤當堂華麗左🤣多謝晒生日先有龍蝦🦞食😂
龍蝦勁新鮮呀！落湯果時仲係生郁郁🫣因為湯底唔係重味湯配埋海鮮食唔會覺得嘥咗🥹🥹🥹打邊爐食龍蝦仲要肉質彈牙，啖啖肉～真係好好食
酒鍋用嘅都係高質食材，就算係肥牛都要係靚嘢！黑毛和牛肉質細嫩，真係唔好講笑每款野都好好食😳
什菜藍同招牌凍豆腐係我嘅最愛🤭🧡打邊爐食咁多肉口野食返啲菜消化下咁先係均衡飲食啦🤣
食到尾段真係飽～最後點都要再飲多碗湯先收手🤣🤣🤣
已經同老公講左下次澳門個fd返黎帶佢黎再encore呢間!!!
