Iron Cow Taiwanese Beef Noodles (Jade Centre)

食過哂尖沙咀、旺角同中環既鐵牛，始終最鐘意中環呢間
呢間雖然係樓上鋪，但晚飯時間去都唔冷清，但又未至於其餘兩間分店咁多人

香港既台灣牛肉麵入面，鐵牛都算係數一數二既好食
牛肉係用左金錢鍵做，炆得夠淋夠入味，而且每舊都好厚肉

湯底有少少藥材香，豆醬味濃，調味咸淡適中
而佢既麵底係幼麵，軟硬度都岩岩好，唔會好淋，幾彈牙
配料仲有蔥花同酸菜，拼埋微微辣既湯，少酸少辣味道好夾

有時放左工一個人靜靜地上去食碗麵都唔錯呀：）

招牌紅燒牛肉麵

$62