咖啡灣 (荃灣千色匯) (Closed)

呢間好耐之前就聽過，一直都想試下~過咗n年後，終於即興約嚟呢度食飯~呢度完全係行甜美童話風，見到勁多粉紅色、好可愛精緻的裝修，令人少女心爆發！先上餐湯，是為忌廉蘑菇湯~水準唔錯，濃稠度剛好，無油膩，仲散發濃郁的香草味~第二道為UFO小食拼盤，雖然都知叫小食拼盤伏，唔係啲咩好高難度嘅菜式，但估唔到冇乜難度都咁難食~除左蕃薯球好食，其他都唔掂！薯條勁乾勁油勁硬，好似翻炸咗幾百次~炸魷魚啲粉超厚，唔知食緊乜~雞翼唔知配咩奇怪醬，粉紅色啫喱咁款，勁似藥水味！！牛油香草煮蜆係好食嘅~推介！雖然我唔鍾意芫荽，但佢煮成湯汁幾唔錯，清新辣辣地，又混同蜆嘅鮮甜~啲蜆肉肥美厚實，令人大感滿足！龍脷柳菠菜忌廉意粉ok，清清地，唔會膩~拉絲芝士龍蝦汁海鮮燴飯，配料有明太子、蝦、蜆~啲蝦唔算爽口，蜆係另一品種，味道唔同~唔係好感覺到明顯嘅龍蝦汁，但整體唔太差，可接受~凍飲草莓藍碟茉莉花茶及鳳梨藍碟茉莉花茶，唔係好飲到茶味~水果糖漿味太重~但3個人食都算平，仲可以食到好飽~