星期日剛到晚餐時段
之前已經食咗野 唔係好肚餓
諗住食d小食 係附近搵咗好耐
因為想試生菜包 所以最後揀咗呢間
唔係好多人 立即有位
點咗泰式生菜包同串燒雞8串
等既時候突然聽到隔離叫
"嘩~好辣呀~"
我望一望 果位auntie食緊青木瓜沙律
心諗 好彩 頭先仲諗住order呢個
不過可能個位anutie本來就唔係好食得辣
大約5分鐘串燒雞就黎
1
睇落幾靚仔
但睇真d 吓😳支竹籤日文既!?
再拎起 頭頭果到燶咗
本來以為淨係一兩串燶咗
點知全部都係一樣😩
我都唔要求d咩靚肉 但都唔好燒燶咁多呀！
味道方便都ok正常既
肉質方面都ok la 唔會燒到好乾 但唔會有肉汁囉~
PC值超低👎
幾分鐘後 生菜包都黎到
睇落見唔到有紅色辣椒
以為唔會好辣
一放入口就黎料啦～
唔係話會辣到個口好痛
但都係辣 我朋友頂唔住 叫咗杯龍眼冰
肉既肥瘦適中 食到有泰國香料係入面
因為feel到有野拮到個口
唔係落味精 食完唔會口渴
生菜都好新鮮 好爽脆
btw,朋友話佢杯龍眼冰$16好奇怪
佢之前飲過係啡色 呢杯係紅色
仲有成杯野得兩粒龍眼
