原來真係有原因㗎！
因為啲牛真係好靚 而且價錢實惠性價比高
呢度最出名嘅就係佢哋嘅吉列牛舌
跟餐嗌埋個定食 會送飯同埋沙律
呢個飯由紫菜同埋日本蛋所結合而成
（有啲似某烤肉店嘅牛x飯😂😂😂）
由於今日店內人數眾多
加上每一個人都嗌定食
前面又有個熱辣辣嘅火同鐵板 油煙都幾多
不過勝在夠熱鬧同埋有氣氛
喺鐵板牛上枱之前先食咗個沙律
果然係開胃菜 略嫌有啲唔夠喉！
吉列牛舌鋪滿成個盤 一塊塊燒 越燒越腍
燒完之後牛舌嘅質感好軟熟
外表經過吉列 但係要注意烹調時間太耐都會燒焦
另外手切鹿兒島黑毛和牛 冇諗過肉質可以咁好味
好有肉味 明顯同出邊嘅cheap cheap牛唔同😂
小食方面仲叫咗個雞皮餃子 好有特色
呢個小食值得再嗌
因為佢係用雞皮包住餃子餡料 極度考功夫架
另外呢度佢哋都有樽裝茶 食完油膩嘢即時解渴
