農耕記 湖南土菜 (東港城)

今日去咗將軍澳東港城新開的農耕記 湖南土菜晚飯，環境充滿農家氣息，地方寛敞。員工態度親切。

蒜蓉粉絲蝦仁，上菜時，係用gas爐熱住的，侍應俾咗個漏斗仔我哋，話啲沙漏完就可以熄火，都幾得意。蝦仁爽口彈牙，粉絲好入味。

酸菜鱸魚，鱸魚肉質嫩滑，加上酸菜，非常開胃，少許麻辣，食唔停咀。

鹹蛋黃燒賣，樣子有啲似小籠包，不過好大隻，薄薄的皮，包裹着糯米及鹹蛋黃，軟綿綿的糯米配上咸香嘅鹹蛋黃，好有層次感。

鮑魚辣椒炒肉，辣辣哋好惹味，鮑魚就細細隻，但就有好多隻，而且唔會靭，好入味，青辣椒，又香又辣。

大大杯覇氣玉油柑，唔太甜，好好飲。