華安餐廳 (Closed)

朋友知我鐘意食盅頭飯，介紹左幾次呢間華安餐廳，我都好少寫食評，好唔好食都食完就算，但今次真係要講講。今日一入餐廳坐低就叫左個排骨飯（未睇餐牌😊），望見入面環境好整潔，ok舒服，跟住飯就到，好香蒸飯味，望到排骨肥瘦平均，佢用啲豉油一淋落啲飯度仲香，堅忍唔住即刻食，飯完全係一粒粒，排骨幼骨大肉，佢啲豉油同盅頭飯簡直係天仙配，真係好味，有心機嘅出品，抵讚👍！一路嘆緊個飯望下餐牌原來仲有梅菜扣肉同咖哩，不過今次食飽嘞😁，下次一定試埋！