新仙清湯腩 (Closed)

因為口碑而黎呢度食，試左個清湯爽腩飯，爽腩賣相已經好吸引，整整齊齊大大件咁排喺個碗度，肉厚而大，但食落一d都唔老，燜得相當入味，軟而不爛~再飲埋鮮美清甜嘅爽腩湯，將一啖一啖飯加入變成湯飯，食下食下就食晒成碗飯，厲害！另外點咗清湯蘿蔔同時菜，聽講佢地用秘方去烹製清湯，真材實料，雖然兩樣嘢看似非常簡單，不過難就難在唔洗點加調味，依然覺得好好食~兩者保留左清淡嘅口味，但又不失食材本身嘅鮮味，口感極佳，蘿蔔脆甜爽口，時菜清香可口，難得！