燈籠滷味 (朗豪坊)

Open Now

Now Closed

台灣菜一直都係我最鍾意嘅嘢食之一，今次嚟到燈籠滷味，即管試吓有冇台灣本地嘅風味。我地叫咗一個二人套餐，包一碗麵、兩樣小食同兩杯嘢飲。滷味冇得揀餸嘅，有杏鮑菇、甜不辣、豬耳朵、椰菜等等，調味唔會太鹹，恰到好處。小食方面我哋揀咗芋泥肉鬆蛋餅同埋地瓜條，蛋餅好好食，芋泥同肉鬆鹹甜適中，口感亦都好好。地瓜條份量頗多，新鮮滾熱辣上碟。另外再叫多咗碟鹽酥雞，亦都炸得唔錯，不過如果有多啲胡椒粉調味會更好！嘢飲方面，茉香綠茶正常發揮，蜂蜜紅茶就偏甜，如果唔鍾意嘅話就記得嗌少甜啦。