Video
Read full review
2024-07-14
424 views
老公係無肉不歡嘅朋友，而食和牛都唔一定要去日本嘅，今次就同老公嚟到牛舞，食《日本薩摩和牛放題》。呢個放題不得了，好多食物選擇，仲有雪條甜品，最重要係午市有85折，仲可以盡情燒到 4pm。一定要先講下呢個附送嘅 #薩摩和牛拼盤，有 #薩摩牛特上西冷、#薩摩牛牛肩胛薄切、#薩摩壺漬牛肋條、#薩摩牛牛腹脅肉、#是日稀少部位2款 & #薩摩牛牛胸腹肉。店舖會提供一個壽喜燒鍋，先倒湯，睇下你想食幾成熟嘅牛肉，我哋食5成熟，所以落湯一陣就可以上碟！而每人會有一隻生蛋，先打好蛋，再將剛剛5成熟嘅和牛片放落蛋漿到，撈一撈就可以食！真係好味到我唔識形容。而其他細塊嘅就可以用燒嘅方式嚟食，真係入口即溶，好漏但好好好正！每一細塊都會睇到個雪花，真係好靚！除咗薩摩和牛，仲有其他串燒，熟食可以order！自助區都有唔同款嘅熟食提供。而壽喜燒鍋嘅鍋物都可以 refill，選擇種類都好多。飲品方面有罐裝汽水，仲有清熱飲品，咁就唔洗怕熱氣，另外仲有咖啡機，汽水機，日式煎茶就最啱食飽飽消滯。最後梗係食甜品啦！有日式雪條，雪米糍，同埋雪糕，記得留肚食啦！總結：好好味又令人好回味嘅和牛放題，選擇多，除咗和牛，雞、豬、打邊爐
呢個放題不得了，好多食物選擇，仲有雪條甜品，最重要係午市有85折，仲可以盡情燒到 4pm。
一定要先講下呢個附送嘅 #薩摩和牛拼盤，有 #薩摩牛特上西冷、#薩摩牛牛肩胛薄切、#薩摩壺漬牛肋條、#薩摩牛牛腹脅肉、#是日稀少部位2款 & #薩摩牛牛胸腹肉。
店舖會提供一個壽喜燒鍋，先倒湯，睇下你想食幾成熟嘅牛肉，我哋食5成熟，所以落湯一陣就可以上碟！
而每人會有一隻生蛋，先打好蛋，再將剛剛5成熟嘅和牛片放落蛋漿到，撈一撈就可以食！真係好味到我唔識形容。
而其他細塊嘅就可以用燒嘅方式嚟食，真係入口即溶，好漏但好好好正！
每一細塊都會睇到個雪花，真係好靚！
除咗薩摩和牛，仲有其他串燒，熟食可以order！
自助區都有唔同款嘅熟食提供。
而壽喜燒鍋嘅鍋物都可以 refill，選擇種類都好多。
飲品方面有罐裝汽水，仲有清熱飲品，咁就唔洗怕熱氣，另外仲有咖啡機，汽水機，日式煎茶就最啱食飽飽消滯。
最後梗係食甜品啦！有日式雪條，雪米糍，同埋雪糕，記得留肚食啦！
總結：好好味又令人好回味嘅和牛放題，選擇多，除咗和牛，雞、豬、打邊爐鍋物都有，熟食都樣樣齊，一個價錢咁好嘅享受，下次要帶阿爸阿媽嚟食先得！
Post
