水上人八鮮蒸鍋 (Closed)

聽說荃灣沙咀道開左一間水上人八鮮蒸鍋，喜歡食海鮮的我又怎能錯過，今晚就約埋同事齊齊去食返餐。選完套餐再選食法，等待期間上了一個老火燉湯，雞湯濃郁夠晒火喉，啖啖精華，味道鮮甜！套餐有八款海鮮，用蒸籠配合適當的時間蒸煮，自選食法有清蒸、豆醬、金銀蒜、剁椒、豉汁等等。龍蝦用金銀蒜蒸，肉質彈牙又鮮甜。清蒸鮑魚熟度剛剛好，鮮味十足吾會韌，元貝、貴妃蚌(當天帶子沽清)、蒜香味四溢，蜆清甜冇沙。魚肉嫩滑，鮮蝦蒸飯，蝦開邊，放在糯米飯上蒸，糯米飯吸收了蝦的鮮味，加點豉油食，美味又惹味！甜品桂花椰汁糕做得精緻，夠香甜！