秋田浜燒食堂

Open Now

Now Closed

老友生日，相約去食浜燒，他說尖沙咀秋田浜燒食堂唔錯，環境和氣氛都有日本居酒屋風格。經過探熱消毒手部才可入座，保障食客衞生安全。侍應端上一大碟赤蝦，新鮮又大隻，原來做優惠，一手拎到幾多隻就免費送給我哋，朋友戴上手套，一手爪到9隻，用來做咗刺身，鮮甜美味。朋友選咗浜燒套餐，有前付、海鮮、刺身、食事、甘味。前付：河豚魚乾，燒得不會太乾，有鮮甜味。特上刺身五款，新鮮肥美。浜燒全程由侍應負責，技巧純熟，為我們燒出一盤美味的浜燒海鮮。北海道帆立貝，上檯時清酒的香氣四溢，帆立貝鮮甜。函館北寄貝爽口，味噌甲羅入口即化，兩樣都鮮味無窮，青森殘酷網鮑新鮮生猛，燒的時候不停蠕動，口感彈牙鮮甜。用錫紙包住加左黑松露和野菌燒，既有香味又爽口。鐵板豚肉野菜炒麵，炒得香口有鑊氣。芝麻雪糕口感香滑甜味適中。