間舖名叫 “博” 我一入到去感覺新淨光猛 , 地方都尚算舒適....胃食既我當然係進佔Bar枱啦 , 既可以一覽壽司師傅既手勢 , 絕對係增進食慾既好方法 , 言歸正傳....這裡有好多午餐set提供 , 我今日選擇左一個七色魚生飯嚟做主菜 , 不過大胃口既我當時不甘於就此作罷 , 我再看看主Menu先點左黑毛豚肉串燒及鰻魚串燒各一客來作小食 , 黑毛豚燒得十分香口 , 師傅手勢唔錯....滿意👍 之後再到了燒鰻魚串....店家應該用上了優質既鰻魚 , 魚油非常豐富....呢個感覺上又再好味D ! 😋
終於到左午餐set既主菜....七色魚生飯 , 見到呢個魚生飯就睇到誠意所在....D魚生真係非常新鮮 , 沒有因為係午餐set而有所妥協 , 由其係海膽同埋蝦....整體真係非常好食 , 去到飯既部份我發現同我平時所見既飯有D唔同 , 我八卦地向壽司師傅直接請教 , 師傅非常客氣地回覆佢地原來係用上日本赤醋來處理 , 可見用料之上乘 ....怪不得味道上多了一些層次！
吃完七色魚生飯之後我仍然想食多少少刺身類 , 跟住就再問下師傅有冇乜野刺身可以推介下 , 我話我比較鍾意食一D油份重既魚 , 師傅就幫我發板做左客油甘魚腩4切俾我 , 一吃之下真係不得了....魚油甘香撲鼻 , 絕對係呢個午餐既完美結局.....呢間日式穩世小店給我提供左一個良好既餐飲體驗 , 下次有機會路過美孚必定要再試下其他菜式！😋
2
1
