Hot Pot 熱‧海鮮火鍋私房菜 (Closed)

又到星期五，又係食好西嘅時候啦！今日就約咗朋友嚟呢一間位於佐敦嘅火鍋店打邊爐，我哋一致認為食物都好好味，所以就同大家推介下！我哋兩個人揀咗呢個招牌嘅湯底：藥膳天麻魚頭湯底，呢個湯底超級足料，裏面有多種藥材，同埋一個勁大嘅魚頭，魚頭係煎過嘅，所以就算喺湯底裏便滾咗一段時間都唔會爛晒，亦都可以令到個湯底更加惹味！味道有少少麻辣味，同埋龍龍嘅魚湯味，係一個好補身嘅湯底！另外值得讚嘅係佢啲牛肉，呢間餐廳好特別係佢哋會用黃牛肉，呢種牛肉肉質比較甜，肉味更重，所以我同朋友都覺得好好味！我哋揀咗兩種肉，分別係牛頸脊同吊龍伴，但係其實佢仲有其他部位嘅牛肉，下次過去再試下其他先！另外仲要一題佢啲特色肉丸，擺盤好精緻，而且啲肉丸好彈牙又好多汁，最記得係嗰一隻麻辣牛肉丸，超級惹味！大家如果去到嘅話都建議一定要點呢一個雜錦肉丸試吓！我哋仲叫咗一盤生蠔，啲生蠔隻隻勁大粒，好鮮味！另外仲叫咗兩隻南非鮑魚，超大隻勁彈牙！食到好爽！總括而言，呢間餐廳無論係湯底同埋火鍋食材都係真材實料，絕對滿足到想食靚火鍋嘅大家！