尋魚記 (Closed)

近來又有新食肆進駐屯門 v City, 尋魚記主打上海菜和魚類海鮮, 卡位闊落又舒適, 大大幅魚畫很吸引。金湯酸菜魚大大窩分量都唔少, 湯底濃味鮮甜, 魚片鮮甜幼滑, 加上酸菜, 大豆芽菜和爽滑彈牙嘅薯粉, 紅辣椒干和芫茜惹味又醒胃。砂鍋花膠雲吞雞花膠滑溜有膠質, 雞肉口感嫩滑, 上湯清甜可口, 分量都唔少。雲吞皮薄幼滑, 大大隻幾飽滿, 餡料充足。加上清甜嘅新鮮嘅娃娃菜, 整體味道相當和諧。上海炒年糕炒得幾有鑊氣, 醬料有著香濃醬油風味, 相當惹味, 配以椰菜和豬肉絲, 切成薄片年糕很煙韌和充滿軟糯口感, 起來很有嚼勁。生煎鍋貼即叫即煎, 鍋貼幾大隻, 外皮煎得香滑, 底部香脆, 餡料肉汁豐富, 食嘅時候小心燙口, 一道美味嘅小食。