Video
Read full review
2005-12-01
8 views
歐巴桑(日語譯音)--大嬸也此小店標榜正宗日式連歐巴桑也似乎是原裝日本入口兩個人九點幾一入門口便受到帶著厚厚化妝的歐巴桑親切歡迎當我地問：「套餐可唔可以揀其他拉麵？」歐巴桑便隨即滔滔不絕地以半鹹淡廣東話介紹本店如何如何正宗包括套餐內的拉麵必須要是最傳統的拉麵否則一般日本客人便會覺得唔滿意而且不論拉麵、粟米、牛油、餃子、魷魚等均是日本入口的上等靚野．．．足足五分鐘未有停口期間我地一度企圖插嘴發問竟被歐巴桑截停五分鐘後她才補上一句：「我講完喇，你頭先有咩想問？」當我揀左其中一款拉麵之後佢又搶住話：「呢個唔岩你食架，淨係d日本人鍾意架咋」當堂O晒嘴...再當我地點完三個小食既兩個之後佢又問：「咁我介紹俾你地既推介你又揀邊款呢？」如果佢唔係歐巴桑或者我都會二話不說鬧佢無禮貌不過佢既語氣加埋表情你又覺得佢好可愛同誠懇架喎係歐巴桑的強力推介下我地要左$188既二人套餐(為左強調歐巴桑如何強調佢地貨真價實佢話日本黎既我全部自行加上日本二字)日本牛油日本拉麵其實係叉燒日本拉麵加左日本牛油之後個湯真係香左滑左日本拉麵亦好煙韌唯獨係麵豉湯加日本牛油真係偏鹹我估要清湯會好d掛日本粟米又真係好甜喎仲粒粒脹卜卜
此小店標榜正宗日式
連歐巴桑也似乎是原裝日本入口
兩個人九點幾一入門口
便受到帶著厚厚化妝的歐巴桑親切歡迎
當我地問：「套餐可唔可以揀其他拉麵？」
歐巴桑便隨即滔滔不絕地
以半鹹淡廣東話介紹本店如何如何正宗
包括套餐內的拉麵必須要是最傳統的拉麵
否則一般日本客人便會覺得唔滿意
而且不論拉麵、粟米、牛油、餃子、魷魚等
均是日本入口的上等靚野．．．
足足五分鐘未有停口
期間我地一度企圖插嘴發問
竟被歐巴桑截停
五分鐘後
她才補上一句：「我講完喇，你頭先有咩想問？」
當我揀左其中一款拉麵之後
佢又搶住話：「呢個唔岩你食架，
淨係d日本人鍾意架咋」
當堂O晒嘴...
再當我地點完三個小食既兩個之後
佢又問：
「咁我介紹俾你地既推介你又揀邊款呢？」
如果佢唔係歐巴桑
或者我都會二話不說鬧佢無禮貌
不過佢既語氣加埋表情
你又覺得佢好可愛同誠懇架喎
係歐巴桑的強力推介下
我地要左$188既二人套餐
(為左強調歐巴桑如何強調佢地貨真價實
佢話日本黎既我全部自行加上日本二字)
日本牛油日本拉麵
其實係叉燒日本拉麵
加左日本牛油之後個湯真係香左滑左
日本拉麵亦好煙韌
唯獨係麵豉湯加日本牛油真係偏鹹
我估要清湯會好d掛
日本粟米又真係好甜喎
仲粒粒脹卜卜添
幾好
日本螃蟹日本拉麵
四條似乎係新鮮既日本蟹腳
有蟹味不過並非非常出色
日本餃子六隻足料不俗
炸日本蝦三隻
日本蝦炸得好香亦保留到蝦味
可以點沙律醬同酸酸地唔知叫咩名既日式醬
不過沙律好d
烤日本魷魚
不燶
保留到鮮味之餘亦燒得好香
第一次覺得魷魚可以用肥美黎形容...
裝修的確好有日本feel
入左去真係有少少離開左香港既感覺
不過天氣雖然轉涼
但店內似乎直頭無開冷氣喎
加埋d麵(仲有歐巴桑既熱情)
真係好熱
呢個價錢不算平
但都係值既
Post