Read full review
2018-08-24
1962 views
喺附近食晚飯行過好多次呢間LUNA，今次有海港城期間限定嘅dessert pass，就揀咗換呢間嘅cake，指定款式係呢個Space Lover，其實係完全唔知係咩嚟嘅，到換嗰陣都見唔到廚窗有介紹，店員亦冇講係咩，不過，反正免費，同埋都試過佢嘅普通Cheese Cake都唔錯，呢個相信都會唔錯。雖然呢間係特別啲咁叫 "Premium"，但唔同Ｋ１１嗰間，呢度只有外賣，店員好小心咁將一個小半球 (Space?!) 放入個好精緻同just fit嘅小方盒。外層似係朱古力，加咗點金粉做啲SPACE效果，至於芝士應該係入面喇......回家品嚐，果然冇估錯，朱古力外層包住嘅係一啲芝士，但唔係普通嘅芝士蛋糕，而係一層芝士一層朱古力mousse，真係超級邪惡。好味在於朱古力同芝士嘅味道都剛剛好，唔會其中一樣蓋過咗另一樣嘅味道，整體嚟講又唔會太濃味，食哂全件都唔會好滯。另外，底層係介乎蛋糕同餅乾之間嘅朱古力軟曲奇，唔係美式芝士蛋糕一般遇到嘅牛油餅底，完全配合番全個蛋糕全嘅味道。好似我咁鐘意朱古力同芝士嘅，真係覺得超好味，會愛上呢個SPACE，怪不得佢叫Space Lover啦~ (只係食完會有啲罪惡
雖然呢間係特別啲咁叫 "Premium"，但唔同Ｋ１１嗰間，呢度只有外賣，店員好小心咁將一個小半球 (Space?!) 放入個好精緻同just fit嘅小方盒。
外層似係朱古力，加咗點金粉做啲SPACE效果，至於芝士應該係入面喇......
回家品嚐，果然冇估錯，朱古力外層包住嘅係一啲芝士，但唔係普通嘅芝士蛋糕，而係一層芝士一層朱古力mousse，真係超級邪惡。好味在於朱古力同芝士嘅味道都剛剛好，唔會其中一樣蓋過咗另一樣嘅味道，整體嚟講又唔會太濃味，食哂全件都唔會好滯。
另外，底層係介乎蛋糕同餅乾之間嘅朱古力軟曲奇，唔係美式芝士蛋糕一般遇到嘅牛油餅底，完全配合番全個蛋糕全嘅味道。
好似我咁鐘意朱古力同芝士嘅，真係覺得超好味，會愛上呢個SPACE，怪不得佢叫Space Lover啦~ (只係食完會有啲罪惡感～)
Post
