Video
Read full review
2022-09-09
67 views
聽過二世祖嘅大名好耐，終於搵到機會一試！餐廳人氣十足，平日都座無虛席，見到好多人無訂枱要失望而回，所以晚市記得要提早訂座呀！餐廳走輕工業風路線，牆壁畫有插畫，增添玩味。食物唔單止賣相吸引，味道都好高質，食完完全明白點解咁受歡迎！二世祖特濃朱古力 ($48)本身唔係朱古力迷，但知道呢杯特濃朱古力係餐廳名物，就點咗一杯試下！呢杯朱古力果然名不虛傳，甜度大約70%可可，雖然對我嚟講都係稍甜，但朱古力味道真係超級濃郁，口感香醇順滑，飲晒都唔覺得飽漏！如果小店推出黑朱古力版本就好啦！宇冶抹茶白朱古力奶 ($48)期間限定嘅宇冶抹茶白朱古力奶，作為抹茶控嘅我自然鍾意呢一杯多D！選用日本丸久小山園抹茶粉、比利時白朱古力和明治4.3鮮奶沖製，抹茶回甘味濃，口感濃稠，加咗白朱古力同鮮牛奶，恰好平衡咗抹茶嘅回甘，入口唔會太甜！抹茶控表示滿足！白酒藍青口配法包($88)藍青口鮮味十足，法包蘸上creamy嘅白酒忌廉汁，好惹味！二世祖特濃卡邦尼扁意粉($108)Carbonara要整得好食絕不容易，難得嘅係小店嘅carbonara真係做得好有水準！意粉掛滿creamy嘅醬汁，醬汁口感濃稠，充滿蛋香，上面灑上大
二世祖特濃朱古力 ($48)
本身唔係朱古力迷，但知道呢杯特濃朱古力係餐廳名物，就點咗一杯試下！呢杯朱古力果然名不虛傳，甜度大約70%可可，雖然對我嚟講都係稍甜，但朱古力味道真係超級濃郁，口感香醇順滑，飲晒都唔覺得飽漏！如果小店推出黑朱古力版本就好啦！
宇冶抹茶白朱古力奶 ($48)
期間限定嘅宇冶抹茶白朱古力奶，作為抹茶控嘅我自然鍾意呢一杯多D！選用日本丸久小山園抹茶粉、比利時白朱古力和明治4.3鮮奶沖製，抹茶回甘味濃，口感濃稠，加咗白朱古力同鮮牛奶，恰好平衡咗抹茶嘅回甘，入口唔會太甜！抹茶控表示滿足！
白酒藍青口配法包($88)
藍青口鮮味十足，法包蘸上creamy嘅白酒忌廉汁，好惹味！
二世祖特濃卡邦尼扁意粉($108)
Carbonara要整得好食絕不容易，難得嘅係小店嘅carbonara真係做得好有水準！意粉掛滿creamy嘅醬汁，醬汁口感濃稠，充滿蛋香，上面灑上大量嘅煙肉，更添鹹香！份量都好多，好抵食！
原隻軟殼蟹龍蝦汁蟹肉海鮮意大利飯 （$198）
店員同我哋講佢哋嘅意大利飯偏硬，問我哋要唔要軟d，我話唔使，果然做到我想要嘅口感！呢個risotto超級足料，蟹肉落得慷慨，米飯用上龍蝦汁熬煮，每啖都吸收晒龍蝦嘅精華，好鮮甜！上面仲擺放咗原隻軟殼蟹，賣相吸引！
甜品原先想試埋招牌tiramisu，點知原來要提早預約！可惜！唯有下次試下！
Post
