点心代表 (Closed)

因為朋友好鍾意SAILOR MOON，同我講話點都想去呢間餐廳朝聖一下，打下卡。我本身對於卡通主題既餐廳唔太有好感，因為覺得好多都係得個殼，直到望住個餐牌個時先感覺到陣濃郁既伏味，我堅持我呢個諗法係岩既。其實我地都係志在打卡，一早已經食左野打定個底，去到個時都係叫左兩個點心影下相咁，基本上有sailor moon做主題既點心，都60至70蚊一個，價錢上真係貴得唔太抵。美少女戰士鮮蝦腸粉 ($69)呢個真經典，以為腸粉應該都係比較穩陣既選擇，點知皮好厚，又無蝦咁濟，又凍，完全感覺到好似食左一堆色素落肚咁。PRISM HEART COMPACT煎蛋燸米雞 ($59)呢個係填肚之選，中規中矩，尚可接受。簡單黎講，如果你本身係美少女既粉絲，我覺得食物既質素真係唔係重點，黎打下卡真係無乜所謂，因為食物個樣都真係精緻（雖然我唔鍾意），但如果你真係想食好東西，就真係最好諗清楚先黎。