Video
Read full review
2024-04-01
403 views
上環嘅呢條摩羅上街係其中一條我好鍾意嘅街道，呢度除咗勁有特色之外，仲有好多好食又有特色嘅食肆，剛剛最紅有好想去嘅Fine dining 米芝蓮一星嘅Mora，之前如果你記得我介紹個地道嘅華樂冰室，今日介紹返呢間仟穆。除咗自己選擇想食乜嘢串燒之外，當然最好係揀一個廚師發辦嘅菜單，喜歡重口味食內臟嘅一定要選三黃雞內臟燒廚師發辦菜單，另外廚師發辦九式串燒菜單就食啲皆大歡喜人人啱嘅串燒。先上場嘅日式沙律嘅同酒煮蜆就大概感受到餐廳嘅質素，特別喜歡酒煮蜆嘅新鮮度，當然如果你唔食餐都有得單點。當晚食廚師發辦九式串燒菜單嘅有雞胸軟骨、雞皮、雞翼、雞腎、白鱔、蘆筍、牛脷、雞心、五花腩。雞翼絕對係神級嘅出色，佢嘅燒白鱔比起好多出名嘅日式串燒店更加出色，而最重要係嘅佢嘅味道啱啱好，唔會太重味太鹹。三黃雞內臟燒有特別嘅係雞喉嚨、雞大動脈、雞掌心、橫膈膜、雞肝、甲狀腺，係Yardbird都食到好多呢啲部位嘅串燒，但好多都要預訂，而質素同味道都真係差唔遠，個人特別喜歡雞掌心同甲狀腺，我記得好似唔係好多餐廳有呢個選擇。尾聲嘅雞湯烏冬先係重點，食完真係唔夠喉，個雞湯嘅濃郁同溫度幾令人難以忘懷。甜品就正常啦。餐廳員工都
除咗自己選擇想食乜嘢串燒之外，當然最好係揀一個廚師發辦嘅菜單，喜歡重口味食內臟嘅一定要選三黃雞內臟燒廚師發辦菜單，另外廚師發辦九式串燒菜單就食啲皆大歡喜人人啱嘅串燒。
先上場嘅日式沙律嘅同酒煮蜆就大概感受到餐廳嘅質素，特別喜歡酒煮蜆嘅新鮮度，當然如果你唔食餐都有得單點。
當晚食廚師發辦九式串燒菜單嘅有雞胸軟骨、雞皮、雞翼、雞腎、白鱔、蘆筍、牛脷、雞心、五花腩。
雞翼絕對係神級嘅出色，佢嘅燒白鱔比起好多出名嘅日式串燒店更加出色，而最重要係嘅佢嘅味道啱啱好，唔會太重味太鹹。
三黃雞內臟燒有特別嘅係雞喉嚨、雞大動脈、雞掌心、橫膈膜、雞肝、甲狀腺，係Yardbird都食到好多呢啲部位嘅串燒，但好多都要預訂，而質素同味道都真係差唔遠，個人特別喜歡雞掌心同甲狀腺，我記得好似唔係好多餐廳有呢個選擇。
尾聲嘅雞湯烏冬先係重點，食完真係唔夠喉，個雞湯嘅濃郁同溫度幾令人難以忘懷。甜品就正常啦。
餐廳員工都非常有禮貌，同佢哋傾吓偈仲會請你飲杯sake，唯一我覺得唔好嘅就係我坐係門口嘅位置冷氣太勁，影完相啲串燒相對較為快凍，餐廳可以留意一下。
Post
