靚粥工房 (Moved) New Location

靚粥工房一直都要提早好多訂位，今次早一個月訂，好彩都訂到，$188一位全包！人齊一坐低啲嘢食就一路上，上到張枱都滿晒，有油炸鬼、炸魚皮、鮑魚、蟶子、蝦滑、雞件、南瓜等等。個粥底睇落去平平無其，不過用啲料打邊爐，真係越食越入味。油炸鬼同炸魚皮都有啲咸，不過以開首食就啱啱好啦。有海鮮嘅火鍋基本上二佰蚊以內係好難搵，但係靚粥工房就做到啦，海鮮有四五款，有啲仲至少每人兩件，質素每款都有水準。除咗任食之外都應該無乜地方可以以哩個價食到有水準又食到飽飽嘅特色海鮮粥底火鍋。