76
0
0
Level4
當年「黑布小巷」仲喺旺角嘅時候,我成日幫襯。不過搬舖後位置無咁方便,就有一排無食。最近得知炮台山開咗分店,嚟開附近就可以重拾舊味☺️。炮台山係外賣店🥡,位置同樣係喺小巷內。但唔知係咪新開張嘅關係,呢度無芋圓賣,有啲可惜。另外,今日炸爐亦都壞咗,無得嗌小食🙈。食物定價唔貴,份量都OK,味道富台灣風情🇹🇼。古早味手工滷肉飯($38),🍚滷肉飯採用傳統台式做法,滷水味恰到好處,唔會過重口味。以豬腩肉製成嘅滷肉粒好邪惡,肥膏位慢煮至入口即溶,幸好有酸蘿蔔解膩。飯底用上珍珠米,粒粒分明,估唔到睇落細細碗,食起嚟都幾多。麻辣鬼椒雞腿芝士蛋吐司($55),🍞吐司賣相超吸引,兼且好足料。麵包烘至金黃色,但始終多醬,偏濕少少,所以唔算好脆。醬汁驟眼睇只覺得有瀑布芝士同流心蛋🧀,點知中間蘊含咗麻辣味,而且辣度唔講得笑,不過好惹味啊🌶,令人又愛又恨。唔食得辣嘅都可以放心,因為佢有原味可選。麻辣鬼椒肉蛋芝士吐司($55),吐司有兩款肉餡可揀,分別係香煎美國大草原穀飼豬扒🐷同烤嫩滑雞腿🐔。我認為雞扒比較好食,因為厚身啲同埋肉質嫩滑啲。飲品方面🥤,嗌飯同多士可享套餐優惠價,我哋要咗自家煲製冬瓜茶(+$8)同桂花烏龍
Read full review
20 views
0 likes
0 comments
當年「黑布小巷」仲喺旺角嘅時候,我成日幫襯。不過搬舖後位置無咁方便,就有一排無食。最近得知炮台山開咗分店,嚟開附近就可以重拾舊味☺️。
74 views
0 likes
0 comments
炮台山係外賣店🥡,位置同樣係喺小巷內。但唔知係咪新開張嘅關係,呢度無芋圓賣,有啲可惜。另外,今日炸爐亦都壞咗,無得嗌小食🙈。
6 views
0 likes
0 comments
食物定價唔貴,份量都OK,味道富台灣風情🇹🇼。
古早味手工滷肉飯
$38
11 views
0 likes
0 comments
古早味手工滷肉飯($38),🍚滷肉飯採用傳統台式做法,滷水味恰到好處,唔會過重口味。以豬腩肉製成嘅滷肉粒好邪惡,肥膏位慢煮至入口即溶,幸好有酸蘿蔔解膩。飯底用上珍珠米,粒粒分明,估唔到睇落細細碗,食起嚟都幾多。
麻辣鬼椒雞腿芝士蛋吐司
$55
6 views
0 likes
0 comments
麻辣鬼椒雞腿芝士蛋吐司($55),🍞吐司賣相超吸引,兼且好足料。麵包烘至金黃色,但始終多醬,偏濕少少,所以唔算好脆。醬汁驟眼睇只覺得有瀑布芝士同流心蛋🧀,點知中間蘊含咗麻辣味,而且辣度唔講得笑,不過好惹味啊🌶,令人又愛又恨。唔食得辣嘅都可以放心,因為佢有原味可選。
麻辣鬼椒肉蛋芝士吐司
$55
11 views
0 likes
0 comments
麻辣鬼椒肉蛋芝士吐司($55),吐司有兩款肉餡可揀,分別係香煎美國大草原穀飼豬扒🐷同烤嫩滑雞腿🐔。我認為雞扒比較好食,因為厚身啲同埋肉質嫩滑啲。
自家煲製冬瓜茶
1 views
0 likes
0 comments
飲品方面🥤,嗌飯同多士可享套餐優惠價,我哋要咗自家煲製冬瓜茶(+$8)同桂花烏龍茶(+$10)。冬瓜茶好好飲,原設定係少甜,飲落帶焦糖香,好滋潤。冷泡茶無落糖,選用台灣茶葉,味道香醇🍵。
18 views
0 likes
0 comments
題外話,小店服務好貼心❤️,食物包裝上會黐上貼紙,以分辨係豬定雞。
59 views
0 likes
0 comments
總括嚟講,黑布小巷嘅食物喚起咗台灣原味道,我當自己去咗一轉夜市㗎喇✈️。希望小店遲啲有多啲嘢食賣啦,例如有拌麵同甜品等,咁就食多幾次都唔怕厭。
85 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2022-07-31
Waiting Time
10 Minutes (TakeAway)
Spending Per Head
$60 (Dinner)
Recommended Dishes
麻辣鬼椒雞腿芝士蛋吐司
$ 55
自家煲製冬瓜茶