將軍麵館

早幾日係新北江試左『將軍麵館』嘅酸辣幼湯麵，
味道都唔錯，
今日見有時間走去試埋撈麵😁

揀緊食咩嘅時候留意到好多食客都點「豬軟」，於是就揀左豬軟骨撈幼麵💓
一上菜巳經有少少失望，
好大碗麵，但係得兩舊豬軟骨🙁
個人覺得三舊會合理啲⋯⋯

撈幼麵配豬軟骨

麵嘅配料好豐富，
『將軍麵館』嘅好處係餐牌上列曬所有配料👍🏼👍🏼👍🏼呢樣好貼心
呢碗撈麵味道好重，
好香濃，
同湯麵有得揮！
不過食多幾啖會覺得有啲厭，
可能因為碗麵真係好大碗，
食極都未食完，
又食黎食去都係同一種味😅

呢個時候可以試下加枱面嘅「黃辣椒醬」
加一小匙巳經可以撈好多麵，
味道香辣，有層次
不過偏咸，唔建議一次過加太多～

黃辣椒醬

另外豬軟骨好硬，有好大進步空間😓
下次都係試其他餸🙊