六點半放左學之後...就行過去....行到去天橋尾...又聞到好香既媽咪雞蛋仔味...又忍唔著-....買左一底
正
七點半去到去間餐廳....都幾多人下...好彩有訂位姐...每一圍都有條魚係到烤下烤下...今次我都有得烤啦..
落ORDER...叫左個香麻辣味烤魚，蒜泥白肉，同埋魚湯娃娃菜....
個蒜泥白肉好快就黎到.....(唔記影相呀..失敗
)
唔算係太辣...舊肉中間夾著青瓜...加上少少既香料....食落去好爽同香...:)
30蚊有七舊...抵食:)
之後黎個魚湯娃娃菜...
呢味菜個重點其實係個魚湯.~娃娃菜只係其次...
個魚湯真係超正
勁香魚味....飲落去就知落足料...
仲要無腥味...一流呀.!!
飲緊湯既時候...主菜烤魚黎到....今次要左香麻辣味，中辣，大邊加配菜...
一黎到已經係勁香...食落去條魚係勁滑...加埋D汁,辣椒...辣辣地...送飯真係一流.!!
不過今次叫中辣...但是辣椒既麻,辣味同埋香料既味道...已經很濃...
蓋過了魚本身既鮮味...所以如果論味味道的話...相信微辣會更好的.!
