川之味麻辣米線 (Closed)

上次睇完戲以為佢好早收所以嚟唔到 ，今次專登過嚟再睇佢有冇開工，原來佢星期一至星期六係可以開到凌晨12點 ，都好方便。之後我哋十點幾嚟到嘅時候其實都已經到滿座 ，我哋今次兩個人就諗住叫一碗大嘅米線再加個雙拼嘅雞翼 。大米線 62蚊 ，米線今次比較偏淋口感，但係餸份量去十分之多， 而且仲有生菜坐底所以其實兩個人嚟食都幾飽肚 。我哋揀咗二小辣就比較少 辣 ，所以如果下次再嚟食應該會食4小辣會比較好啲 。之後雞翼冇耐都嚟到，今次我哋嗌咗一邊係辣一邊唔辣 ，唔知點解喇嗰邊係特別細隻。 但係好彩係兩個嘅味道都保持到水準 。呢度坐嘅位都算係舒服都夠有空間，唔會話太迫而且衛生程度都唔錯。所以有陣時上嚟食米線嘅話都會呢間食。