新祥發粉麵茶餐廳

今日開學日 撞正打8號波
懶得煮飯
就試下落去食飯睇下風景
年中無休新祥發最岩
今日打風都只係加2蚊
真係好有良心
打風下好多都有供應

照樣黎個快餐加奶茶
奶茶一樣都係有茶葉少少苦澀味道
茶膽唔會太過濃去搶左個味
加淡奶嘅香滑 比例岩就好味
係香港都係中上質素

雞脾雖然冰鮮貨
但經過適度醃製 夠味遮住
而且仲可以保有肉味
炸得唔錯都有汁
唔會柴身

腩肉正常質量 比較普通
無咩評價

滑蛋蝦仁炒河
蝦仁雖然只係冰鮮貨
但足夠提供唔同口感同彈牙就得
配個芡汁混得唔錯 蛋夠滑
撈埋河粉食整體滿意