麗島小廚 (Closed)

呢個星期日晏晝，又去麗島睇下有無蒸魚食，今次人多又有細路，叫咗3 個套餐。一個係蒸魚，一個蒸肉餅，同小朋友話要食嘅粟米魚塊。呢度出餐一向唔算快，飲咗佢個老火湯先，今次係年藕湯，我鍾意呢度湯次次都好有水準，無味精又飲得到好夠材料。嘢食最先嚟再係粟米魚塊，整得幾好，唔油個皮又少少脆。跟住個肉餅，都好食嘅，但我覺得某一次叫過肉餅印象中嗰次再好食d。最後嚟係個魚，一嚟我哋嘩咗聲，咁大條嘅D汁配得好好味，不過魚大條到d汁點到無曬我都要講多次，點解呢度成日無咩人，明明都算抵食同好食...我好驚佢好似上手間養生鍋咁....無啦啦無咗