winnie話好耐冇唱k好想唱
其實........我本身真係冇打算去唱
但見佢咁恨唱 就去唱啦
之後大家飛左去megabox唱!
搭mtr果陣即刻book房
5點左右去到 話唱到8點 2個人
happy hour學生價$55實數 + k buffet $29(另加1)
平好多 $82.5咋~~
豬紅蘿蔔夠晒入味超正!
金菇肥牛個味都非常好!
豉椒炒蜆 好細粒 冇嘜肉食
同埋好多都甩晒出黎 搞到我要慢慢搵肉食-0-
金錢肚上次又係咁 今次又係咁
依然係咁鹹 仲未改善
唔洗咁重手呀嘛!
三文魚sushi 舊三文魚幾新鮮 都幾厚!
手卷既紫菜好淋 唔脆 好難咬開!
泰式鳳爪酸酸地少少微辣!好味!!
煙三文魚都不錯!
豆腐花幾滑 不過冇嘜豆味!
依日d甜品唔太吸引 我地都唔係食左好多
係有舊朱古力蛋糕吸引到我地!好味!
食到好飽 係咁食食食
睇番之前d食評 好羨慕人地果日有得食心太軟
1
