LAB10 (Closed)

今次去左旺角朗豪坊搵食，發現左間LAB 10。有個HK$298放題，無煙燒肉，見唔係好貴所以試左。發現食品種類唔算多，一眼睇哂，主要食牛肉+海鮮類。安格斯牛板腱，呢個好大片好重牛味，我同朋友都覺得比雪花和牛類仲好食，雪花和牛其實得一陣油脂味，食落好油膩，呢個就真係牛味比較重，不過始終係冰鮮貨，燒起上黎都有少少鞋身。另外仲有海鮮，整體佢嘅海鮮都幾新鮮，特別係蛽最好食好鮮甜。叫左盤韓式炸雞拼盤炸雞同薯條有D凍同乾，我覺得好一般。梨汁牛五花，呢個好好食，我用佢黎煮牛油金菇好好味！醬油拌飯開頭都唔知點食法，研究完一輪之後應該係成碗撈勻佢，但佢撈飯個汁係無味的，我地自己再撈左個燒肉汁落去，就好食好多了。飲品都可以任飲，好大杯，全部都係梳打，飲完梳打特別飽，所以我食左兩轉就已經飽左啦！呢部機唔知做咩的，無問，不過好似幾搞笑。