段純貞牛肉麵 (MONTEREY Place) (Closed)

之前去過銅鑼灣分店，不過而家執咗，將軍澳分店咁近我屋企，要約朋友嚟試試佢。三寶麵湯底係好濃嘅牛肉湯味，有少少藥材味同辣味，牛肉好入味很腍，入面嘅三寶全部我都鍾意食。胡椒湯酸菜雞細麵滑嫩燴雞，肉質彈牙再加上幼細麵條，一啖鮮味雞湯，一啖麵，好夾呀。新鮮豚肉鍋貼金黃酥脆外層，包住肉嫩多汁内餡，一咬下去爆汁，就算隔咗半粒鐘再食都仲好好食。鹽酥雞大大舊嘅鹽酥雞又外脆又內滑，一啲乾嘅感覺都無，肉質鮮嫩多汁又唔油膩。嘢飲方面叫咗百香綠茶加哈密瓜布甸加紅豆同埋百香QQ，簡直新鮮好飲到爆炸。