小肥牛火鍋活魚專門店 (Closed)

呢間小肥牛响大圍初初開時黎過一次 , 果時價錢合理 , 質素過得去 , 昨晚再到此店晚飯 , 發覺中伏了,黎到呢度先真正感受到咩叫百物騰貴 , 首先叫左湯底 , 係蕃茄薯仔牛腩湯 , D料少到呢...  點左隻象拔蚌 , 3.8一両 , 佢秤左32両 , 牛肉粒 , 簡直係叫牛碎 ,  碎濕濕咁 , 羊肉片正常 , 清酒黑豚肉 , 呢個根本就似肉眼筋片出黎 , 皇帝菜普通啦 , 墨魚滑 , 隔左成個鐘先黎 ,  前後催左三次 , 味道唔錯 ! 鱔片 , 呢個先攞命 , 一碟四塊 , 售$62 , 即時退貨 ! 完全唔明點解呢間可以開咁多分店 , 講真 , 好多有名的火鍋店我都去過 , 收費貴得黎食物份量都叫合理 , 呢間野牛肉粒我唔介意佢少 , 因為而家牛肉真係貴 , 但都請交D似樣嘅食物比客吖 , 牛粒同牛碎冇咩分別囉....個鱔片真係不得了 , 我自問真係食唔起....