Video
Read full review
2021-05-12
192 views
今期隨便碌個挨豬都可以見到佢嘅蹤影，好多人攀山涉水去錦田，就係特登入去呢個紅酒木桶圖書館影相🤣。不過我覺得打卡以外，都有好多更加值得細心欣賞嘅地方。呢度其實本身係一個社區空間嚟，覺得佢哋都幾聰明🌝，提供左個空間比一班人追夢，開舖沖下咖啡整吓蛋糕拎下經驗☕️，同一時間又整頓到靚一靚，用自由定價吸引唔同嘅人過曬嚟試🙋🏼♀️。.話就話自由定價，不過大家都明白宜家呢個時勢，花心血時間追求鍾意嘅嘢真係唔容易，所以基本上都唔會太過分🤣。我同朋友一人俾咗$100，少少支持。我仲同隔離講：如果有朝一日我都做緊一樣嘅嘢，有人支持我都會好開心hahaha。.入正題，我完全冇諗過呢度有生酮蛋糕食🤯，大家下次去可以碰吓運氣！嗌咗杯Dirty，朋友就嗌咗Cappuccino☕️，另外我哋仲叫咗生酮抹茶紅豆蛋糕同普通芝士蛋糕。☕️：咖啡老老實實就冇乜好濃嘅咖啡香，不過溫度同埋比例都真係過關，起碼我杯Dirty好飲過上次寂侘珈啡，滿意㗎啦🤣有進步空間囉。🍰：但我想講個生酮抹茶紅豆蛋糕真係要讚，完全冇奇奇怪怪嘅after taste，口感仲比想像中實淨，都有唔少粒粒紅豆喺入面，好🉐，抹茶就唔
呢度其實本身係一個社區空間嚟，覺得佢哋都幾聰明🌝，提供左個空間比一班人追夢，開舖沖下咖啡整吓蛋糕拎下經驗☕️，同一時間又整頓到靚一靚，用自由定價吸引唔同嘅人過曬嚟試🙋🏼♀️。
.
話就話自由定價，不過大家都明白宜家呢個時勢，花心血時間追求鍾意嘅嘢真係唔容易，所以基本上都唔會太過分🤣。
我同朋友一人俾咗$100，少少支持。我仲同隔離講：如果有朝一日我都做緊一樣嘅嘢，有人支持我都會好開心hahaha。
.
入正題，我完全冇諗過呢度有生酮蛋糕食🤯，大家下次去可以碰吓運氣！嗌咗杯Dirty，朋友就嗌咗Cappuccino☕️，另外我哋仲叫咗生酮抹茶紅豆蛋糕同普通芝士蛋糕。
☕️：咖啡老老實實就冇乜好濃嘅咖啡香，不過溫度同埋比例都真係過關，起碼我杯Dirty好飲過上次寂侘珈啡，滿意㗎啦🤣有進步空間囉。
🍰：但我想講個生酮抹茶紅豆蛋糕真係要讚，完全冇奇奇怪怪嘅after taste，口感仲比想像中實淨，都有唔少粒粒紅豆喺入面，好🉐，抹茶就唔好expect佢係啲咩貴價抹茶，我諗應該係成本所限，少少回甘我都收貨🌝係皮硬咗少少姐。
普通芝士蛋糕係new york cheesecake嗰種，打到幾滑，不過建議可以加返少少檸檬汁入去，微酸會冇咁漏🙋🏼♀️。
•••••••••••••••••••••••
食完個樣：😚(都可以)，但真係好多蚊.........
CP值 : (自由定價唔識俾分🤣)
•••••••••••••••••••••••
一開頭真係好驚啲打卡地方得個樣，全世界湧入去淨係為咗影幾張相，但發現最靚嘅根本唔係相，而係呢度嘅故仔同熱誠。
放低電話，留心喺圖書館揭吓啲書，你會搵到呢度嘅故事，同埋隱隱約約感受到佢哋對於咖啡、廚藝同埋攝影嘅熱誠🥸（無意中喺本書度發現咗呢度🤣，當時仲要企左喺書入面張相同一個位，有趣)
——————
Post
