源祖之味古早蛋糕店 (Closed)

最近古早蛋糕舖頭盛行，四處都可以見到古早蛋糕嘅足跡，經過總會聞到蛋味十足嘅香氣，所以有幾次都忍唔住趁佢新鮮出爐嘅時候就帶返屋企。因為中秋節將至，所以蛋糕盒都印上慶祝中秋嘅圖案， 十分應節。今次我買嘅口味係鹹蛋黃古早蛋糕，一向都好鍾意食鹹蛋黃產品嘅我梗係要試一試啦。唔單止蛋糕盒，原來連蛋糕嘅表面都有個中秋節快樂嘅烙印， 細節位十足。蛋糕嘅大細同同類型嘅舖頭差唔多，表面亦都有啲鹹蛋黃嘅碎，賣相不錯！拎咗個蛋糕出嚟打算切嘅時候，就會見到好多一粒粒嘅鹹蛋黃佈滿喺蛋糕中間，而蛋糕十分柔軟，蛋色同蛋香並重，令我想一啖一啖食落去！比較其他同類型嘅古早蛋糕店，呢間嘅蛋糕比較軟滑同埋美味，大家不妨趁唔使排長龍嘅時候一試。